Clomni Voice işləmir: xətt, zəng və mikrofon problemləri

Son yeniləmə: 27 oktyabr 2026 · 11 dəq oxunur

Addımlar

1. 1

   Xətt qeydiyyatdan keçmir

   Vəziyyət «Xəta» göstərirsə, altında operatorun cavabı yazılır. Server, login və şifrəni operatorla yoxlayın. Port adətən 5060-dır. Ayarları «Xəttin ayarları» kartında düzəldib «Yadda saxla» basın, sonra «Yenilə» ilə vəziyyəti yoxlayın.

2. 2

   IP üzrə xəttə zəng gəlmir

   Operator bizim IP ünvanını öz tərəfində təsdiqləməlidir. Lazım olan məlumat qutunun «Operator xətti» bölməsində, «Operatora veriləcək məlumat» kartındadır. «Operatorun server ünvanı» sahəsində zənglərin həqiqətən gəldiyi ünvan yazılmalıdır.

3. 3

   Zəng heç kimdə çalmır

   Qutuya əməkdaş əlavə edin və onların «Onlayn» olduğunu yoxlayın. Müştəri zəngi yalnız qutunun «Əməkdaşlar» siyahısındakı «Onlayn» əməkdaşlarda çalır. «Məşğul» və «Oflayn» əməkdaşda çalmır.

4. 4

   Zəng məndə çalmır

   • Statusunuz «Onlayn» olmalıdır.
   • Bu Voice qutusunun əməkdaşı olmalısınız.
   • «Telefon qoşulmadı. Zənglər bu brauzerdə çalmayacaq.» yazılıbsa, brauzer Voice-a qoşula bilmir. İnterneti yoxlayın; korporativ şəbəkə və ya VPN bağlantını bağlaya bilər. Panel özü bir müddətdən sonra yenidən cəhd edir, səhifəni yeniləmək də olar.
   • Başqa zəngdəsinizsə, ikinci zəng sizdə çalmır.
   • Clomni yenilənəndən sonra köhnə açıq tabı yeniləyin.
5. 5

   Mikrofon xətaları

   • «Mikrofona icazə yoxdur. Ünvan sətrindəki kilid nişanından icazə verib yenidən cavab verin.»: brauzerin ünvan sətrindəki kilid nişanına basın, bu sayt üçün mikrofona icazə verin və yenidən «Cavab ver» basın.
   • «Mikrofon tapılmadı. Qulaqlıq və ya mikrofon qoşun.»: kompüterə mikrofon və ya qulaqlıq qoşun.
   • «Mikrofon başqa proqramda istifadə olunur.»: mikrofonu tutan proqramı (Zoom, Teams və s.) bağlayın.

   Bu xətalarda zəng kəsilmir, çalmağa davam edir: düzəldib yenidən cavab verə bilərsiniz.

6. 6

   Danışıqda səs eşidilmir

   Zəng kartında mikrofonun bağlı olmadığını yoxlayın: «Mikrofon bağlıdır» yazılıbsa, mikrofon düyməsini basın. Kompüterin səs ayarlarında düzgün mikrofon və dinamik seçilməlidir. Brauzer tabının səsi bağlı olmasın. VPN və ya korporativ şəbəkə səsi kəsə bilər: başqa şəbəkədən yoxlayın. Ətraflı: «Zəngdə müştəri səsimi eşitmir».

7. 7

   Niyə cavab qutusu yoxdur

   Voice qutusunun söhbətində müştəriyə mesaj yazmaq olmur, çünki zəng xətti mətn daşımır. Orada yalnız şəxsi qeyd yazılır, onu komanda görür: yazı sahəsi sarı olur, mətni yazıb «Qeyd əlavə et» basın. Müştəriyə yazmaq lazımdırsa, onun başqa kanaldakı söhbətindən (WhatsApp, e-poçt və s.) istifadə edin.

   
8. 8

   Zəng söhbətdə görünmür

   Adətən zəng bir neçə saniyəyə söhbətdə görünür. Bəzən gecikən zənglər gecə avtomatik yoxlama ilə əlavə olunur: son iki günün zəngləri öz vaxtı ilə yazılır. Daxili zənglər və heç bir qutuya bağlı olmayan nömrələrin (məsələn, yalnız masa telefonlarına gələn) zəngləri Clomni-də yazılmır.

9. 9

   Qutu yaradılmır

   • «Bu nömrə artıq başqa qutuya bağlıdır.»: bu nömrə üçün qutu artıq var.
   • «Nömrəni ölkə kodu ilə yazın, məsələn +994125550000.»: nömrəni + və ölkə kodu ilə yazın.
   • «Ünvanı http və port olmadan yazın, məsələn sip.operator.az.»: server ünvanından http:// və :5060 hissəsini silin.
   • «Clomni Voice sorğunu qəbul etmədi.» və ya «Alınmadı. Bir az sonra yenidən yoxlayın.»: bir az sonra yenidən cəhd edin. Təkrarlanarsa, Clomni komandasına yazın.
   • «Zəng (Clomni Voice)» kartı görünmür: Voice inteqrasiyası hesabınızda açılmayıb, Clomni komandasına yazın.
10. 10

    «Voice sazlamaları» açılmır

    Düyməni yalnız administrator görür. «Voice paneli açılmadı. Yenidən yoxlayın.» yazılırsa, yenidən basın. Brauzer yeni tabı bloklayırsa, bu sayt üçün açılan pəncərələrə icazə verin.

11. 11

    Qeyd və ya mətn yoxdur

    Qeyd və mətnin harada göründüyü və nə vaxt hazırlanmadığı «Zəng qeydləri və mətni harada görünür» məqaləsindədir.