Clomni

Mobil Messenger-in görünüşü, flow-lar, xəbərlər, CSAT və push başlığı

Son yeniləmə: 13 oktyabr 2026 · 8 dəq oxunur

Messenger-in görünüşü, mətnləri, flow-ları və xəbərləri paneldən idarə olunur. Dəyişiklik tətbiqlərə yeni buraxılış olmadan çatır. Bölmələr kanalın ayarlar sütununun MESSENGER qrupundadır: Parametrlər › İş sahəsi parametrləri › Gələn qutular › kanalınız › ayarlar sütunu.

Addımlar

  1. 1

    Görünüş və dərc

    • Dəyişikliklər qaralamada saxlanır, yuxarıda «Dərc olunmamış dəyişikliklər var» yazılır. Tətbiqlər yalnız dərc olunmuş versiyanı görür.
    • «Dərc et» qaralamanı tətbiqlərə göndərir, açıq Messenger-lər ekranda yenilənir.
    • «Versiyalar» › «Bu versiyaya qayıt» köhnə versiyanı qaralamaya qaytarır, sonra yenə «Dərc et».
    • Sağdakı «Önizləmə» hər dəyişikliyi dərhal göstərir: «Ana səhifə», «Söhbət», «Mesajlar», «Tətbiq» ekranları, «Açıq» və «Tünd» rejimdə.
  2. 2

    Görünüşün bölmələri

    • «Brend»: «Ad», «Əsas rəng» (rəng oxunmursa, «Avtomatik düzəlt»), «Yuxarı hissə» («Keçid», «Tək rəng», «Şəkil»), «Parıltı», «Loqo» («İkon + ad» və ya «Tam loqo»), «Loqonun ölçüsü» və tünd rejim üçün ayrıca loqo.
    • «Komanda»: «Komandanın şəkillərini göstər», «Şəkillər» («Avtomatik»: bu kanalda son aktiv olan 3 operator, «Özüm seçirəm»: 3 şəklə qədər), «Cavab müddəti» və iş saatından kənar mətn. İş saatları kanalın «İş saatları» bölməsindədir.
    • «Bot»: botun adı və şəkli. Şəkil yoxdursa, loqo göstərilir.
    • «Mətnlər»: salamlamanın və kartların mətnləri. Boş sahədə standart mətn göstərilir, «Defaulta qaytar» onu geri gətirir. «Dəyişənlər» ilə salamlamaya istifadəçinin adı qoyulur.
    • «Ana səhifə»: «Kartlar»ın sırası (sürükləyin), «Sosial kanallar» (ən çox 5-i açıq ola bilər, «Kanal əlavə et»), «Salamın ölçüsü».
  3. 3

    Dillər, tema və üzən düymə

    • «Dillər»: Messenger-in danışdığı dillər (Azərbaycanca, English, Русский) və «Əsas dil». Tətbiq setLanguage("en") ilə yandırılmış dillərdən birini seçə bilər. Seçməsə, Messenger telefonun dilinə, o da yoxdursa əsas dilə uyğunlaşır.
    • «Tema»: rejim (telefona görə, açıq, tünd), mesaj səsləri, «Üzən düymə», onun yeri və «Aşağıdan məsafə».
    • Tətbiqin kodda verdiyi dəyər paneldən üstündür: setTheme, setLauncherVisible, setSoundsEnabled.
    • «Aşağıda "Powered by Clomni" göstər»: bu yazını gizlətmək hər planda yoxdur. «Bu yazını gizlətmək planınıza daxil deyil» görünürsə, Clomni komandası ilə danışın.
  4. 4

    Flow-lar

    «Flow-lar» bölməsində bu kanalın flow-ları qruplanıb:

    • «Söhbət başlayanda»: yeni söhbəti qarşılayan flow.
    • «Tətbiq hadisəsi»: tətbiqdən startFlow ilə başlayan flow-lar. Yanında «Hadisə: ride_problem» kimi ad və onu göndərən kod var.
    • «Əl ilə»: operatorun söhbətə özü göndərdiyi flow-lar.
    • «Söhbətin statusu dəyişəndə»: məsələn, söhbət bağlananda qiymət soruşan flow. Bax «Söhbətin statusu dəyişəndə başlayan axın və CSAT».
    • «Təkrar istifadə olunan»: öz trigger-i olmayan, başqa flow-un «Başqa axını işə sal» addımı ilə başlayan flow-lar.

    Bölmənin yuxarısındakı «Tətbiqdə necə görünür?» linki seçim düymələrinin və formanın SDK-da necə göründüyünü ayrıca pəncərədə şəkillə göstərir. «Qurucuya keç» flow qurucusunu açır. Tətbiq hadisəsi üçün trigger olaraq «Tətbiq hadisəsi» seçin, hadisənin adını yazın və flow-u dərc edin. Tətbiqdə:

    // Android
Clomni.startFlow("ride_problem", mapOf("ride_id" to "R-1923"), openMessenger = true, source = "ride_screen")
    // iOS
Clomni.startFlow("ride_problem", data: ["ride_id": "R-1923"], openMessenger: true, source: "ride_screen")
    • Flow-un mətnində data {{data.ride_id}} kimi işlənir. Data JSON olmalıdır: sətir, rəqəm, boolean, siyahı, map.
    • Hadisəyə bağlı dərc olunmuş flow yoxdursa, heç nə baş vermir.
    • İstifadəçinin özünün basmadığı hadisə üçün (məsələn uğursuz ödəniş) openMessenger = false saxlayın: istifadəçi push və ya oxunmamış mesajların sayı ilə xəbər tutur.

    Hadisənin adı flow-un adı deyil. startFlow-a flow-un altındakı «Hadisə: …» sətrindəki adı verin. «Söhbət başlayanda» trigger-li flow startFlow ilə başlamır.

    Flow-da hər seçim bir addıma bağlanmalıdır. Seçimin davamı yoxdursa, müştəri orada ilişib qala bilər. SDK 1.0.2-dən belə seçimdə flow bitir və müştəri üçün yazı yeri açılır.

  5. 5

    Xəbərlər

    Xəbərlər Messenger-in ana səhifəsində görünür: dərc olunmuş ilk üçü. «Xəbərlər» bölməsində siyahı var: «Başlıq», «Status» («Qaralama» və ya «Dərc olunub», ana səhifəyə düşənlərdə «Ana səhifədə») və «Tarix». Sıranı dəyişmək üçün sətri sürükləyin. Başlığın altındakı «Tətbiqdə necə görünür?» linki xəbər kartlarını tətbiqin ana səhifəsində göstərir.

    «Yeni xəbər» və ya siyahıdakı sətir redaktoru ayrıca səhifədə açır. Başlığın üstündəki «← Xəbərlər» siyahıya qaytarır. Redaktorda:

    • «Üz şəkli»: 16:9, ən çox 5 MB, eni ən az 720 px.
    • Dil düymələri (AZ, EN, RU) redaktə etdiyiniz dili seçir. Azərbaycan mətni məcburidir, en və ru boş qalsa, həmin dildə az mətni göstərilir.
    • «Başlıq» və «Qısa mətn» ana səhifədəki kartda görünür, «Tam mətn» xəbər açılanda. Tam mətndə **qalın**, *kursiv*, link və siyahı işlətmək olar.
    • «Düymə» (istəyə görə): mətni və veb ünvanı və ya tətbiqin deep link-i.
    • «Saxla» dəyişiklikləri saxlayır, yeni xəbər qaralama qalır. «Dərc et» xəbəri saxlayıb tətbiqlərə göndərir, «Geri çək» gizlədir, «Sil» silir.
    • Sağdakı «Tətbiqdə» önizləməsi kartı ana səhifədə və açılmış halda göstərir, hər dəyişikliyə uyğun yenilənir.

    Saxlanmamış dəyişiklik varsa, səhifədən çıxanda panel soruşur.

    Düymə veb ünvanı və ya tətbiqin deep link-ini aça bilər. onLink təyin olunubsa, link əvvəlcə tətbiqə gəlir:

    // Android: return true when the app opened the link itself
Clomni.onLink { url -> url.startsWith("example://") }
  6. 6

    CSAT

    Kanalın «CSAT» bölməsində sorğunu sayt çatı ilə eyni qaydada açın: «CSAT-ı aktivləşdir», «Göstərmə növü», «Mesaj», «Yenilə». Söhbət həll olunanda Messenger sorğunu söhbətin içində kart kimi göstərir: «Göstərmə növü» ulduzdursa 5 ulduz, yoxsa 5 emoji. İstifadəçi istəsə şərh də yazır. Nəticələr Hesabatlar › CSAT səhifəsindədir. Kanalda söhbət bağlananda qiymət soruşan aktiv flow varsa, CSAT sorğusu göndərilmir, qiyməti flow soruşur.

  7. 7

    Push bildirişinin başlığı

    Push › «Bildirişin başlığı» › «Format»:

    • «Operator · Brend» (standart), məsələn «Leyla · Example».
    • «Yalnız brend adı».
    • «Yalnız operatorun adı». Bot yazanda brend adı görünür.
    • «Öz mətniniz»: hər dil üçün, əsas dil məcburidir.

    «Yadda saxla» basın. Bildirişin mətni mesajın özüdür.

  8. 8

    Tam təlimat

Sənəd

Clomni Mobile SDK: inteqrasiya təlimatı v1.0.5 · 72 səhifə Aç Endir